于吉
真假于吉
于吉个只名字来勒历史书里向看得见个描写一直从汉顺帝个辰光到至汉献帝个年代。因为于吉来勒汉顺帝个朝代已经是做师父个道士，到至汉献帝个建安五年（公元200年）再被杀，即使保守点个估计也可以讲于吉亦已经活过一百岁以上了，所以有交关人怀疑到至汉献帝辰光还活勒东吴个这位道士于吉到底是勿是原来个位“真于吉”𠲎？现在辰光大家普遍接受个讲法是前头汉顺帝辰光个于吉是“真于吉”，但伊个出生特之逝世年份都朆晓得，而后首来勒东吴个于吉道士是个冒充个“假于吉”，伊个生年呒没人晓得，但于吉死勒建安五年是书里写得老清爽个。但是朆管真于吉还是假于吉，所有关于于吉道士个事体全部是当作一个于吉写勒《后汉书•襄楷传》里向，作者范晔拿于吉当作同一个人。
生平
于吉来勒（东海）曲阳泉水上得到一位仙人传授畀伊神书一百七十卷，叫做《太平清领书》。来勒东汉个汉顺帝辰光，于吉个一位叫做 宫崇 个门徒跑到皇宫拿伊个师父所著个个部「神书」（道教典籍）《太平清领书》献畀皇帝。其中讲个是以阴阳五行为家，还有交关跟巫觋有关个杂语，看上去像妖言或者吹牛皮而勿像经书，顺帝就叫宫里个「有司」拿书藏到仓库里拉倒，朆拿其当作学问，所以个部书呒没畀皇帝重视。
后来再晓得个于吉（就是上头讲个“假于吉”）个事体是伊就住勒华东某个地方，经常来勒吴特之越两个地方跑来跑去，烧香畀人家看毛病。到至东汉献帝建安五年，也就是公元200年， 孙策 称霸统治吴个地方个辰光，于吉批评孙策自制力不足，讲“伯符将军，名而虚之”，孙策听到至气煞，下命令拿于吉杀脱，当地居民都说个能家会得碰到报应，不久以后孙策在打仗辰光畀暗箭射中，因而引发重病而死脱，有人就讲伊是畀于吉个亡灵缠身而死。[1]
于吉有个弟子叫宫崇，跟之伊师父于吉处学了后得到了《太平清领书》，像上头讲到个跑到宫里拿书献畀皇帝呒没得到重视，后首来就入世修行，呒没人晓得伊个去向。
沒有留言:
張貼留言